Tusmada Bidhaamiye:

Maqaal: Doorasho Ku Sheeg, Musuq Iyo Muran Ka jira Nidaamka Diiwaangelinta:

Ma ogtahay in afar degmo oo ka mid ah degmooyinka Gobolka Banaadir laga reebay doorashooyin ku sheega ka dhaceysa Hobolka banaadir kuwasoo kal ah Daarasalaam, Gunadkeey, Garasbaaleey, iyo Kaxda mase ogtahay in dowladu tiraah waa waxa dowladdu ugu yeertay “doorasho” loo simanyahay?

Ma ogtahay in sababta rasmiga ah ee shacabka loo ga reebay ay tahay tuhun la sheegay in deegaanadaas ay ku sugan yihiin xubno ka tirsan Al-Shabaab? Taasi waa dood ay dowladda ku marmarsiiyootay, balse micnaheedu yahay in boqolaal kun oo muwaadiniin ah lagu sheegay “ma-ahaan karto in aad codeyso’’—taas oo ah jab weyn oo ku dhaca xuquuqda muwaadinka Soomaaliyeed.

Intaas waxaa sii dheer, diiwaangelintii ugu horreysay ee dowladda sameysay waxay ahayd mid lagu fuliyay qasab, iyadoo qofkii is diiwaangelinaya aan laga rabin wax aqoonsi ah.

Sidaas darteed, waxaa la qoray tiro badan oo aan la hubin, lagumana kalsoonaan karo.

Haddana maanta waxay dowladda leedahay: gudiga doorasjooyinka waranka ayaa kaarka awoonsiga ee “NIRA bixineysa kaararka aqoonsiga ee lagu diiwaangelinayo.” Su’aashu waxay tahay:

Maxaa lagu beeninayaa diiwaangelintii hore? Halkeese buu ku dambeeyay xogtii boobka ahayd ee aqoonsi la’aanta lagu sameeyay?

Xisbiga kobac Kobci Maanka Qaranka Dhis.

WQ: Bidhaamiye

Tusmada Bidhaamiye:

Xisbiga Hantiwadaaga Kacaanka Soomaaliyeed waxa uu dalkan u qabtay, Raadkoodii baa muuqda wali. Waxaan is leeyahay waa ayaan darro in Ra-iisil wasaare Hamza Abdi uu maanta dhaliil u soo jeediyo 34 sano ka dib:

Mudanaha wasiirka-Koowaad waxaan u soo jeedinayaa maantaad joogtaane wax la idin ku xasuusto sameeya, oo ka daaya cadaadiska kuwa liita:
WQ Bidhaamiye:

Tusmada Bidhaamiye:Musuqmaasuqa: waa Cudur Dila Rajada Ummadda=================================••••••musuq-Maasuqa maanta jira waa cudur curyaaminaya rajada ummadda. Waa aafo ku dul nool dhiigga dalka. Musuq maasuqu Waa waxa dib u dhigay qaranka, ee carqaladeeyay horumarka, ee kala fogeeyay dadka, xoojinaya qabyaalladda:Ninka koox jecleysiga ku shaqeeya ee xilalka u kala qeybiyay saaxiibbadiis iyo qof jeclaysi waa ebtaladii ugu tabarta darrneyd ee ka dhacda nidaamkeena dowladnimo—waana mid aan laga soo kaban doonin ilaa lagu beddelo hufnaan iyo sharciyad dhab ah.WQ: Bidhaamiye:

Tusmada Bidhaamiye

Maalintii Murugada Muqdisho
17 November 1991 – 17 November 2025:

“ 17 November 1991 : Waxay ahayd maalintii ay xoogga iyo cadownimada beeluhu burburiyeen 30 sano oo shaqo, hidde iyo dhisme qaran ah “
========••••••••••••••================

Xusuus, Bogsiin & Caffis.

Bismillaahi Raxmaani Raxiim:

Maanta oo ay tahay 17 November 2025,
waxaan xasuusanahay (34 )sano oo ka soo wareegtay maalintii madoweed ee 17 November 1991.
Maalintii uu qarxay dagaalkii afarta bilood socday ee burbur, naf-waayid iyo dhaawac maskaxeed ku reebay shacabka Soomaaliyeed, gaar ahaan dadka deganaa magaalada Muqdisho.

Maalintaas waxay calaamad u tahay xusuus murrugo leh, maalintii ay madaafiicdii is-weydaarsiga maleeshiyaadku burburiyeen magaalada oo dhan, dabaqyadii dhulka lagu simay, iyo boqollaal kun oo qoys ay ku waayeen nolol,maal iyo wanaag.

Waa xusuus weli qalbigeenna ku reeban — xusuus murugo iyo mahadho ah, balse maanta noqotay bog ka mid ah taariikhdeena oo aynu ka gudubnay.

Waa maalin u taagan murugu, 17 November maanta ma aha oo keliya taariikh — waa boog maskaxeed oo jiil walba uu xusuusto.

17 November Waa maalin lagu xasuusto mugdii ku habsaday Muqdisho—maalin dad Soomaaliyeed ay isu arkeen col halkii ay ka ahaan lahaayeen walaalo. Waa maalin calaamad u noqotay kala fogaansho, barakac, cabsi iyo burbur aan loo meel dayin.

17 November 1991 Waa maalintii magaalada ay u ekaatay goob aan lahayn naf iyo nolol, dadkuna ay u kala yaaceen sidii dabayshu ugu kala qaybiso ciid.

17 November 1991 Waxaa dhacay wax aan weligeen ka qoomamayn doonno, oo jiilal badan u sii ahaan doona cashar aan la illoobi karin.
Waa maalin ku taagan bogga madow ee taariikhda Soomaaliyeed—maalin aan u magacaabi karno “Maalintii Qarracan iyo Qaylodhaan Umaddeed.

🙈 Sababta?
Waa maalintii noloshu ay istaagtay,
Qoysas is waayeen,
Muqdisho ay noqotay magaalo u ooyaysa dadkeeda,
Qabiil iyo colaadna ay gooyeen xididdadii walaaltinimada. Waa maalin Soomaalidii kale oo dhan ay Others ahaayeen,

Waa maalin ku saabsan:

• Walaalihii isku dilay magac beeleed
• Qoysaskii aan dib u midoobin
• Hanti iyo dhaqan la burburiyay
• Rajo dad badan qalbigooda ku bakhtiday.

Laakiin waa maalin inoo noqotay cashar weyn — cashar ku saabsan waxa dhacay iyo sababta aan mar danbe u oggolaan karin in qabiil iyo xukun jacayl uu noo burburiyo.

Dagaalkii 4 nilloodka Waa Bilowga Burburka
Marka rasaas la is weydaarsado:

• Xigto waxay noqotaa cadow,
• Deris wuxuu noqdaa dilaa ama la-dilaa,
• Gabar iyo wiil aan weligood wax galabsan waxay • noqdaan dhibbanayaal,
• Magaalada waxay isu beddeshaa meel ay oohin iyo qiiq uun ka kacaan.

Sida aan ku aragnay 17 November 1991, Muqdisho waxay noqotay magaalo ay baaba’een dhismayaal, dad iyo damiir.

Waxay ahayd maalintii ay xoogga iyo cadownimada beeluhu burburiyeen 30 sano oo shaqo, hidde iyo dhisme qaran ah haa oo 21 Sanno oo ka mid ah lahu xasuusto Jaale Mohamed Siyaad Barre, taariiqna inooga tagay:

Ugu danbeyn. Ha la is cafiyo

Baaq Cafis, Walaaltinimo & Mustaqbal Wanaagsan:
===••••••••

Muddo 34 sano ah ayaa laga joogaa musiibadii dhacay, balse dhaawacii nafsiga ahaa weli wuxuu ku jiraa dad badan.
Haddana maanta waxaan leenahay:
Waan xusuusaneynaa, laakiin colaad dib uma furayno.

Waan xanuunsanahay, laakiin cadowtinimada ma sii fogeynayno.

Waannan ilaawayn waxii dhacay laakiin cafiska waxa uu ka qurux badan yahay xasuusta xanuunka 17 November:

Waa in aan isku naxariisanaa, isu samo-falnaa, oo aan ka guurnaa kala qeybsanaantii hore.
Waa in aan isku aragnaa hal qaran, hal dad, oo leh hal qiyam.

Gunaanad
Maanta waa maalin murugo, xasuus iyo wacyigelin leh.

Laakiin sidoo kale waa maalin lagu dhisayo:
Nabadda
Midnimada
Is-jiritaanka
Daryeelka jiilalka soo socda:

Allaha u naxariisto dhammaan intii ku nafwaysay.
Allaha u bogsiiyo qalbiyada dhaawacmay.
Allaha u horseedo ummadda Soomaaliyeed midnimo, samir iyo nabad waarta.

xisbiga Kobac: Kobci Maanka : Dhis Qaranka:

WQ : Gudoomiyaha Xisbiga Kobac Mudane. Abdirahman Mohamed Ali : Bidhaamiye

Tusmada Bidhaamiye:

BAYAAN KA SOO BAXAY XISBIGA KOBAC
Ku Saabsan: Muhiimadda Xasiloonida Siyaasadeed iyo Diyaar-garowga Doorashada 2026:
====••••====••••====••••=====•••===••====•

Xisbiga KOBAC wuxuu shacabka Soomaaliyeed iyo dhammaan daneeyayaasha arrimaha dalka xusuusinayaa in xasiloonida siyaasadeed ay tahay tiirka ugu muhiimsan ee lagu ilaaliyo nabadda, wadajirka bulshada, iyo horumarka qaranka. Xasiloonidu ma aha wax koox gaar ah mudnaan u leh; waa yool qaran iyo mas’uuliyad caalami ah oo dal walba u taagan yahay.

Maadaama Soomaaliya ay ku jirto marxalad u diyaargarowga doorashada 2026, waxaa muuqata in siyaasiyiinta iyo ololayaasha kala duwan ay suran yihiin, taasina waa arrin dabiici ah oo qeyb ka ah geeddi-socodka dowlad-dhisidda. Si kastaba ha ahaatee, Xisbiga KOBAC wuxuu adkeynayaa muhiimadda ah in doorashadu noqoto mid ku dhisan nabad, deganaan iyo mas’uuliyad, iyadoo laga fogaanayo wax kasta oo keeni kara xiisad, muran aan loo baahnayn, ama dhaawac gaarsiiya midnimada shacabka.

KOBAC wuxuu ku boorinayaa dhammaan dhinacyada:

In la ilaaliyo xasiloonida dalka, laguna dadaalo in doodaha siyaasadeed ay noqdaan kuwo edeb leh oo qaranimo ku dhisan.

In ololaha doorashadu aanu noqon mid lagu kala fogeynayo bulshada, balse uu noqdo mid dadka u horseeda faham, is-xushmad iyo wadajir.

In la xoojiyo wadahadalka iyo isku tanaasulka, si loo yareeyo meelaha khilaafku ka dhalan karo.
In shacabka Soomaaliyeed lagu baraarujiyo deganaan, kuna dhiirrigelinayo in ay ka fogaadaan dacaayadaha, kicinta iyo wararka sababi kara qalqal.

In dhammaan awoodaha dalka — dowlad, mucaarad, iyo bulshada rayidka — ay ka shaqeeyaan ilaalinta nabadda iyo midnimada dadka.

Aragtida Xisbiga KOBAC:

Xisbiga KOBAC wuxuu aaminsan yahay in xasiloonida siyaasadeed ay tahay hanka aan la siyaasadeyn karin, waana saldhigga horumarka, maalgashiga, caddaaladda, iyo dowladnimada waarta. Siyaasiyiintu way is beddeli karaan, hase yeeshee Soomaaliya waa hal, waxaana waajib ah in qof walba uu ka sarreysiiyo danta qaranka.
KOBAC wuxuu u arkaa doorashada 2026 inay tahay fursad dahabi ah oo lagu muujiyo biseyl siyaasadeed, halkii ay ka noqon lahayd il dhaqaajisa muran iyo kala-jab.

Gunaanad

Xisbiga KOBAC wuxuu mar kale shacabka iyo hoggaanka dalka u xaqiijinayaa inuu ka go’an yahay:
••••••

Ilaalinta nabadda,
Difaaca midnimada bulshada,
Iyo ka shaqeynta isbeddel wanaagsan oo ku dhisan cadaalad, sinaan iyo horumar loo wada dhan yahay.

Doorashada 2026 waa in ay noqotaa mid nabad ku dhacda, natiijadeeduna ay noqoto mid shacabka u horseeda mustaqbal ka wanaagsan, ee aan lagu lumin olole kicin iyo khilaaf siyaasadeed oo aan wax faa’iido ah u keenayn ummadda.

Xisbiga KOBAC
“Kobci Maanka — Horumari Qaranka”

Tusmada Bidhaamiye :

Nuxurka iyo Ujeeddada War-saxaafadeedka ay soo saareen:
==••===••====•••===:

Shirka Nairobi:

Waxaa lagu qabtay shir saddex maalmood ah (5–8 November 2025) oo ay ka qayb galeen xubno ka tirsan Madasha Samatabixinta iyo dowlad goboleedyada Jubbaland iyo Puntland. Shirku wuxuu diiradda saaray xaaladda dalka, amniga, iyo diyaar garowga doorashooyinka 2026.

Go’aamada Shirku soo saaray:
In la qabto shirweyne qaran oo ka dhaca gudaha Soomaaliya, balse aan la cayimin goobta iyo taariikhda.

In la diido isbeddellada lagu sameeyay Dastuurka KMG ah, maadaama aysan oggolayn wax ka beddelid aan lagu heshiin.

In la cambaareeyo “musuqa, boobka hantida qaranka, iyo xadgudubyada siyaasadeed” ee ay ku eedeeyeen Dowladda Federaalka.

In aysan aqbalayn doorasho kasta oo ka timaadda DFS haddii aysan ku dhisnayn heshiis iyo is-afgarad qaran.

In la ilaaliyo midnimada iyo wadajirka Soomaaliya, balse si adag looga hortago “tallaabooyinka lagu wiiqayo nidaamka federaalka”.

Fariinta guud:

Waa digniin siyaasadeed iyo baaq mideysan oo kasoo horjeeda dowladda federaalka ah, gaar ahaan isbeddellada dastuurka iyo muddo kororsiga suurtagalka ah ee hay’adaha dowladda.

===•••====•••••=====••••••======•••••••====

Falanqaynta iyo mowqifka laga qaadan karo:

Warmurtiyeedku wuxuu muujinayaa cabsi iyo caro siyaasadeed oo ku saabsan jihada dalka, gaar ahaan arrimaha dastuurka iyo doorashooyinka.
In kasta oo ay sheegayaan “badbaadinta mustaqbalka dalka,” qoraalku ma bixiyo xalka dhameystiran ama qorshe mideyn kara shacabka oo dhan.

Waxaa ka muuqata mowqif mucaaradnimo toos ah oo aan tixgelin doorka dowladnimada dhexe iyo baahida loo qabo wada shaqeyn dhab ah.

Meelaha qaar waxaa laga dareemayaa ku milanka danaha maamul-goboleedyada iyo mucaaradka, halkii uu ka noqon lahaa qorshe qaran oo mideeya shacabka.

WQ:Guddoomiyaha Xisbiga Kobac Mudane Abdirahman Mohamed Ali Bidhaamiye:

Tusmada Bidhaamiye:

Warmurtiyeedka Xisbiga KOBAC ee ku aaddan xaalada dalka iyo war-saxaafadeedka Golaha Mustaqbalka Soomaaliyeed
WAR-SAXAAFADEED – XISBIGA KOBAC
===•••===•••===•••===••==•=====•••===

Taariikh: 13 November 2025
Goob: London, UK:

---

Xisbiga KOBAC wuxuu si dhow ula socday shirarkii dhowaan lagu qabtay magaalada Nairobi ee ay isugu yimaadeen xubno ka tirsan Madasha Samatabixinta Soomaaliyeed, Dowlad Goboleedyada Jubbaland iyo Puntland, kuwaas oo soo saaray war-saxaafadeed ku saabsan xaaladda guud ee dalka iyo isbeddellada dastuurka.
Xisbiga KOBAC isagoo tixgelinaya duruufaha siyaasadeed ee dalka, wuxuu soo bandhigayaa mowqifkiisa rasmiga ah oo ku dhisan xasilooni, midnimo, iyo mustaqbal wadajir ah:

Midnimada iyo wadajirka Soomaaliyeed waa lama taabtaan.
Xisbiga KOBAC wuxuu aaminsan yahay in midnimada Soomaaliya iyo wadajirka shacabka Soomaaliyeed aysan noqon karin aalad siyaasadeed oo lagu kala fogaado. Shir kasta oo lagu qabanayo dalka gudihiisa waa in uu noqdaa mid furan, daah-furan, oo aan cid gaar ah u adeegayn, si shacabka oo dhan ay u dareemaan lahaansho iyo kalsooni.

2. Dastuurka waa heshiis qaran, ee ha noqdo goob wadatashi, ma aha dagaal siyaasadeed.
   KOBAC wuxuu ku baaqayaa in isbeddel kasta oo dastuurka lagu sameynayo uu noqdo mid lagu gaaro wada-tashi qaran oo ballaaran, iyadoo la tixgelinayo dhammaan maamulada iyo bulshada rayidka. Balse, lama aqbali karo wax ka beddelid lagu sameeyo si aan sharciyad buuxda u lahayn ama lagu daciifinayo hay’adaha dowladnimo.
3. Dowladnimadu waa in ay ka tarjuntaa wada-shaqeyn iyo daacadnimo, ma aha is-diido siyaasadeed.
   KOBAC wuxuu aaminsan yahay in dowlad goboleedyada iyo dowladda dhexe ay yihiin laba garab oo isku tiirsan, ee aan is burin. Khilaafyada joogtada ah waxay dhaawacayaan kalsoonida shacabka iyo sumcadda Soomaaliya caalamka hortiisa. Sidaas darteed, KOBAC wuxuu ku baaqayaa in la soo celiyo miiska wadahadalka, laguna xalliyo khilaafaadka si hufan oo walaaltinimo ah.
4. Doorashooyinka 2026 waa fursad qaran, ha noqonin khilaaf cusub.
   KOBAC wuxuu ku adkeysanayaa in doorashooyinka soo socda ay noqdaan kuwo xalaal ah, waqtigooda ku dhaca, laguna dhisayo nidaam caddaalad ah. Doorasho kasta oo lagu dhiso heshiis siyaasadeed oo cid gaar ah u janjeerta waa mid dhaawacaysa kalsoonida shacabka.
5. Xisbiga KOBAC wuxuu ugu baaqayaa shacabka Soomaaliyeed:
   In ay mideeyaan codkooda, ka fogaadaan dacaayadaha kala qaybinta, kana qayb qaataan badbaadinta mustaqbalka Soomaaliya iyadoo lagu dhisayo kalsooni, sinnaan iyo cadaalad.

———————————————-

Gunaanad:
Xisbiga KOBAC wuxuu ku adkeysanayaa in mustaqbalka Soomaaliya lagu badbaadin karo wada hadal, wadatashi, iyo kalsooni dhab ah. KOBAC wuxuu diyaar u yahay inuu qayb weyn ka qaato mideynta aragtida siyaasadeed ee dalka iyo dhismaha nidaam dowladeed oo caddaalad iyo is-aaminaad ku dhisan.
Xisbiga KOBAC – “Kobci Maanka, Dhis Dalka.”

WD: Guddoomiyaha xisbiga Kobac Mudane : Adbdirahman Mohamed Ali Bidhaamiye:

BAYAAN KA SOO BAXAY XISBIGA KOBAC:
Ku Saabsan Hadalkii Madaxweynaha Jamhuuriyadda Federaalka Soomaaliya:

================================
Xisbiga KOBAC wuxuu si adag uga jawaabayaa hadalkii uu Madaxweynaha Jamhuuriyadda Federaalka Soomaaliya dhawaan ka jeediyay fagaarayaasha, kaas oo uu ku sheegay in uu subaxdii yahay qof kale, galabtiina qof kale, fiidkiina qof kale, isla markaana uu maalin kasta yahay qof cusub oo ku saleysan xaaladda uu ku jiro waqtigaas.

Hadalkan waa mid “khatar ah, niyad jebinaya shacabka”,

isla markaana muujinaya in hoggaamiyaha ugu sarreeya dalka uu ka leexday mabda’ii, degganaantii iyo masuuliyaddii looga fadhiyay.

Hoggaamiye qaran lagama filayo inuu beddelo dabeecaddiisa iyo go’aankiisa mar kasta oo xaalad soo wajahdo.

Waxaa looga baahan yahay inuu ahaado qof mabda’ leh, daacad ah, oo masuuliyadtiisa u guto si joogto ah.

Marka madaxweynuhu si cad u qirto in uu yahay qof isbeddel badan oo aan hal mowqif ku dhaganeyn, waa masiibo.

waxay taasi muujineysaa kalsooni darro, hoggaan aan degganayn, iyo luminta jihadii qaranka.

Xisbiga KOBAC wuxuu rumeysan yahay in hoggaamiye lagu kalsoonaan karo uu yahay mid go’an, adag leh, mabda’ qaran oo adag leh, oo aan mar walba isu beddelin danihiisa siyaasadeed ama xaaladaha ku soo baxa, balse ah mid u adeega danta guud ee shacabka.

Sidaas awgeed, Xisbiga KOBAC wuxuu si cad u leeyahay:

Madaxweynaha waa inuu is casilaa.

Soomaaliya maanta ma awoodi karto hoggaan is beddela subax walba, balse waxay u baahan tahay hoggaan deggan, isku halleyn leh, lehna aragti iyo masuuliyad waarta.

Xisbiga KOBAC wuxuu ugu baaqayaa dhammaan shacabka Soomaaliyeed, aqoonyahannada, dhalinyarada, iyo bulshada rayidka ah in ay mideeyaan codkooda si ay u dalbadaan hoggaan dhab ah — mid aan isu beddelin, daniihia gaar ka ah balse beddela dalka, kun hoggaamiya
Cadaalad iyo sinnaan.

WD: Gudoomiyaha Xisbiga Kobac Mr Abdirahman Mohamed Ali Bidhaamiye:
www.xisbigakobac.com

BAYAAN KA SOO BAXAY XISBIGA KOBAC
Ku saabsan: Kala duwanaanta Afka iyo Ficilka – iyo Baahida Midnimo Qaran
Xisbiga KOBAC wuxuu ka hadlayaa arrin qaran oo mudan in si dhab ah loo fahmo — taas oo ah kala duwanaanta u dhexeysa waxa dadka Soomaaliyeed ay afkooda ku sheegaan iyo waxa ay ficil ahaan u sameeyaan.
Marar badan ayaa la maqlaa heesta calanka Soomaaliyeed ee tiraahda:
“Soomaaliyeey toosoo, toosoo isku tiirsada, hadba kiina taagta daran taageera waligiin.”
Heesdan waa murti xambaarsan wadaninimo, isku tiirsanaan, iyo guubaabo ku aaddan in ummadda Soomaaliyeed ay isu gargaarto, isu hiilliso, oo midnimadeeda ilaaliso.

Hase yeeshee, waxaa nasiib darro ah in erayadaas quruxda badan aan ficil ahaan u dhaqan gelin. Waxaa inagu batay xasidnimo, is-naceyb iyo qabyaalad aan micno iyo maslaxad qaran toona ku dhisneyn.
Waxaa xusid mudan in xasidnimo iyo eex ay horseedeen dhacdooyin murugo leh oo taariikhda lagu xasuusto, sida dilkii Madaxweyne Cabdirashiid Cali Sharmaarke, oo ahaa bilowgii burburkii qaranimada Soomaaliyeed.
Qabyaaladdu waxay noqotay cudur bulsho, halisna ku ah jiritaanka ummadda Soomaaliyeed. Maanta waxaa inoo furan hal su’aal:

Goorma ayaynu ka tallaabsan doonnaa gidaarka madow ee qabyaaladda, xasidnimada iyo is-nacaybka?
Xisbiga KOBAC wuxuu rumeysan yahay in horumarka iyo midnimada qaranku aysan imaan karin ilaa afka iyo ficilka ay is waafaqaan. Qaran la dhisayaa ma aha mid ku dhisma hadal iyo ballan, ee waa mid ku dhisma ficil, daacadnimo, iyo isku tiirsanaan dhab ah.
Waxaa la joogaa waqtigii aynu dib isu eegno, aan iska fogeyno qabyaaladda, oo aan kor u qaadno qiyamka walaaltinimada, caddaaladda iyo wadajirka.

Xigmadda Soomaaliyeed ayaa tilmaamaysa:

“Nin walaalkii neceb, ninkii shisheeye ma jecla.”
“Is-naceybku waa dab, dadna waa gubaaye, damintiisa waa daacadnimo.”
“Qabiil laguma dhaqaaqo, laakiin qaran ayaa lagu dhisaa.”

”Xaq iyo run haddii la wada raaco, qofna cid kale ma xaasido.”

Xisbiga KOBAC wuxuu ugu baaqayaa shacabka Soomaaliyeed meel kasta oo ay joogaan, in ay dib ugu noqdaan murtidaas qotada dheer, si loo helo bulsho isku duuban, dal caddaalad ah, iyo qaran han leh.

WQ: Gudoomiyaha Xisbka Kobac Mudane Abdirahman Mohamed Ali Bidhaamiye:
www.Xisbigakobac.com

XISBIGA KOBAC
Kobci Maskaxda, Xoojinta shacabka iyo wax ka badalka Qaranka:

BAYAAN RASMII AH
KU SAABSAN XARIGGA MUWAADINIINTA U HALGAMAY DHULKA DANTA GUUD:

==========================

Xisbiga KOBAC waxa uu si adag u cambaaraynayaa xarigga iyo tacaddiga sharci darrada ah ee loo geystay muwaadiniin Soomaaliyeed oo u istaagay difaaca xuquuqda dadka laga barakiciyey suuqa Siinay ee magaalada Muqdisho.

Muwaadiniintan ayaa u istaagay matalaadda bulshada nugul iyo ilaalinta dhulka danta guud, si looga hortago barakicin iyo burbur dhaqaale oo ba’an, balse halkii codkooda la dhageysan lahaa, waxa lagu abaalmariyey xarig iyo caburin ciidan, taas oo muujinaysa in awoodaha amniga loo adeegsaday dano gaar ah oo aan waafaqsanayn danta guud ee shacabka Soomaaliyeed.

Muwaadiniinta la xiray waxaa ka mid ah:

Cabdi Shidane Hiraabe
Cabdullaahi Cabdi Maxamuud
Raaxo Xasan Jimcaale
Samsam Cumar Cali
Xabiiba Cabdi Cali

Xisbiga KOBAC waxa uu ku baaqayaa in:
Si degdeg ah oo shuruud la’aan ah loo sii daayo dhammaan muwaadiniintaas.

Laga waantoobo xadgudubyada xuquuqda muwaadinka ee uu dammaanad qaaday Dastuurka Kumeelgaarka ah, gaar ahaan kuwa la xiriira xorriyadda hadalka, isu-soo-baxa, iyo muujinta cabashada nabadeed.

Dowladda Federaalka iyo laamaha amniga ay ka shaqeeyaan ilaalinta cadaaladda iyo dastuurka, halkii laga noqon lahaa kuwa jebiya xuquuqda muwaadiniinta.

Xisbiga KOBAC waxa uu mar kale xasuusinayaa in cabashada shacabka aysan ahayn dembi, balse ay tahay muujin nabadeed oo dastuuri ah, ayna tahay waajib dowladeed in la dhegeysto dadka la dhibaateeyey halkii la silcin lahaa.

Guddoomiyaha Xisbiga KOBAC
Mudane: Abdirahman Mohamed Ali (Bidhaamiye)
📍 Xafiiska Dhexe ee Xisbiga KOBAC
255 Kingston Road, London
📧 xisbigakobac@gmail.com
www.xisbigakobac.com
📞 +44 7722010420 | +252 612457733