Waxaa layaab iyo amakaag ig ridaya in la arko Guddoomiyaha Gobolka Banaadir, oo isla markaana ah Duqa Muqdisho, oo xiran dhar tuuto ciidan ah, kuna hadlaya deegaan ka baxsan gobolka uu masuulka ka yahay, isagoo ay garab socdaan ciidan la sheegay in ay dowladdu leedahay.

Tani waxay si cad u muujineysaa in aysan jirin kala xadeyn shaqo iyo mas’uuliyad oo ka dhexeysa laamaha dowladda—arrin u dhiganta kala garasho la-aanta masuuliyadda ayaa jirta oo ma jirto wax “job discrimination” la yiraah, oo dhinaca dowladnimada ah, taas oo baalmaraysa nidaamka saxda ah ee kala xadaynta awoodaha.

Guddoomiyaha gobolka, isla markaana ah duq magaalo, shaqadiisu ma aha in uu qaato masuuliyadda hawlgal ciidan, waana tusaale muuqda oo muujinaya jahawareerka hannaanka dowladnimo ee dalka ka jira.

Horey baanu dadka ugu sheegnay in dowladdan aysan lahayn aqoon dowladnimo, waxaana muuqda jaantaa rogan iyo isku dhex yaac mas’uuliyadeed oo joogto ah. Intaa waxaa in dheer boobka hantida qaranka iyo dii dadwaybaha.

Waxaanu leenahay Sadka Dadwaynaha waa Sun.

Tusaalooyin hore ayaa jira. Waxaa xusid mudan Taliyihii Booliska Gobolka Banaadir, Marxuum Farxaan Qaroole, oo isaga qudhiisa u baxay deegaan aan ka tirsaneyn masuuliyaddiisa, halkaas oo markii dambe lagu dilay.

Haddana waxaan arkaynaa taliyihii badalay, Mr. Mahdi, oo isaguna hawlgal ka fulinaya Afgooye iyo Qoryooley, inkastoo aysan ahayn goobaha uu masuul ka yahay. Hadana ma garan in uu isaga is diray iyo in loo diray. Mid ay ahaataba waa yilaabo qaldan iyo isku dhax yaaca aan kor ku soo xusay.

Arrimahan oo dhan waxay ka turjumayaan nidaam la’aan, hoggaan la’aan, iyo ku takri-fal awood dowladeed.

Waxaa intaas dheer in dhowaan dowladda ay si bareer ah u barakicisay dad masaakiin ah, dhulkoodana siisatay dhaqaale ay doonayaan in ay ku gorgortamaan, si doorasho lagu sheegay mustaqbalka ay iyagu ugu soo baxaan tartan aan xaq ahayn, oo laga reebayo cid kasta oo kale.

Taasi hadey dhacdo waa caddaalad darro kale oo mug weyn.

Sidaas darteed, bulshada Soomaaliyeed waa in ay u diyaar garoobaan isbeddel dhab ah oo ka wanaagsan kan hadda jira. Waxaa loo baahan yahay hoggaan leh aragti cad, qorshe horumarineed, iyo faham dowladnimo.

Xisbiga KOBAC wuxuu u taagan yahay aragtidaas dhabta ah ee maqan—mid ku dhisan dowladnimo, caddaalad, iyo horumar loo wada dhan yahay.

Xisbiga KOBAC wuxuu u taagan yahay aragtidaas dhabta ah ee maqan—mid ku dhisan dowladnimo, caddaalad, iyo horumar loo wada dhan yahay.

WQ Gudoomiye Xisbiga Kobac Mudane Abdirahman Mohamed Ali Bidhaamiye